رائعة من روائع رحيم المالكي

بيوم الغدير لعلي حي مرضعة وحي دره
نصبه الباري ولي للميت والحي دره
وصل ولاية لعلي طه الحجي حيدره

كال البكلبه هوى لرب الجلالة ولي
خل يعتقد بالفتى الكرار بعدي ولي
طلك الدنية وزمخ يا دنية عني ولي

ما بين النجوم حيدر للخلايق بدر
ليلو ومطرز ذهب مصيوغ كله بدر
معروف يا بو الحسن تشهدله وكفة بدر

أمضى من السيوف وأبطش من نصلها وأحد
من قبل الأرحام بالذر للجلالة وحد
صولات إله حيدره تشهد بدرها وأحد

الما يؤمن بكل هذن بشعارنا خندكه
وإنجلب بياخته ونجره من خندكه
عمرو بن ود من هتف يوم العبر خندكه

ويكول ما كو زلم في هالجمع خيبره
ياهو التصده ووكف ومن ركبته خيبره
ويا هو لمرحب شطر يا هو القلع خيبره

الباب سواه جسر عبروا عليه صفين
كل الخلايك علي بالمعجزة صفن
محتاج أسولف بعد وأشرح حرب صفين

كرار شنوصفه بكل الحجي والجمل
رغم التآمر بقه ولأمته وجمل
والله لو ما المره وحمارها والجمل

أمة محمد علت والحادي ظل حيدره
الشاعر الشهيد رحيم المالكي