إطلالة القمر الفاطمي (الحسن) عليه السلام

إطلالة قمر البتول
------------------
في سبيل الله قاتل راح اصير
وذبح أحزاني نذر هذا الشهر
لئن شفت (الحسن) بعيون الضمير
قمر هذا فاطمي بهيئة بشر
000000000
ولو ذكراه هاي بيام الضباب
وحنه غير الصبر ماعدنه وسيط
ولو جرح البينه يستجدي الثواب
نايم اعله الأرصفه مثل اللقيط
ولو دنيانه محيط من العذاب
والفرح لؤلؤه بنص هذا المحيط
ولو صرنه مرايه بس بيد الضرير
اوخفنه نتشظه اذا حظه عثر
احنه ماعدنه ابحر هذا المصير
غير جف (الحسن) يستخرج درر
000000000
احنه ماتاخذنه امواج الحياة
وأبد مانعبر على جسر اللئيم
والفرح لو مات بيام الطغاة
هذا ميلاد (الحسن )يحي الرميم
بدر قدسي يضوي ليل الصالحات
وبضواه نندل صراط المستقيم
هذا ابن الكوثر او ابن الغدير
منين ميفوت المجد يلكاه فخر
خلها تهدم كبره أبناء النضير
القمه ماتنزل ولا تصعد حفر
000000000
لئن ماعدهم فخر حوله تطوف
مثل مجد الحسن اقمار الخلود
لئن اشر بالمدائن عالطفوف
رادوا الجف ينمحي من الوجود
همه عدهم (سامري)او بيده تشوف
لزم حبل (العجل) من ذيج العهود
همه ولدتهم (اميه) بقعر بير
و(الحسن) هذا إبسمه العزه قمر
بعورة ابن العاص ابوهم يستجير
او بالخلود(الحسن عالدنيه انتصر 0000000
طل علينه اليوم يا وجه (الحسن)
ومطر علينه ضوه بهذا الظلام
احنه محتاجين جفك للوطن
ينثر اعله جروحه ازهار السلام
سيبويه العرب لا مو مؤتمن
إيحرك إيجر إبأبن عم الكلام
بكل شبر من هالوطن صاير أمير
اوفوكنه تمشي الشوارع والهمر
لئن طاهر هالوطن طهر الاثير
إعليه إتذب اوساخها هاي الغجر
00000000
من معارفنا القدامى التضحيات
خلي يركص عالجرح كل الضجيج
خجلوا بالرقص حتى الراقصات
إنشد أنهار العراق الداميات
او شوف هاي بمايها شسوه الخليج
ردنه منهم ضوه بكد ليل العسير
إنطونه ظلمه اوظلم وخلاق التتر
اوعينه متجهه للرب القدير
نريد يتذكر صحارينه المطر
00000000
وطن هذا ينام صاحي بلا فكر
مثل الينام اويه جثه بمشرحه
الموته حاخام العروبه ينتظر
وحتى بالعبريه يقره الفاتحه
مادره روحه مثل روح الخضر
وهله كلها بحب علي متسلحه
ليش هاي البدو اعله خيامه تغير
اورمح إبن مكه بخاصرته إنكسر
هذا ابن النفط مو بيده اجير
وكف وكفة قرمطي كبال الحجر
000000
صارت عيون الحقيقه من كفه
اولا رصيدالامل يبنيله مضيف
صرنه حتى للجرح نستلطفه
او نشرب المهزله من عيون النزيف
صرنه ناكل جوعنه عالارصفه
والطفل يرهن صدر أمه برغيف
هذا شهر الصوم بحساب الفقير
يشبه ايامه الذي بيها صبر
شوكت عين الارصده التلبس حرير
تشوف جوع العاري من صام شفطر
----------------------

طل علينه اليوم يا وجه (الحسن)
ومطر علينه ضوه بهذا الظلام
احنه محتاجين جفك للوطن
ينثر اعله جروحه ازهار السلام
سيبويه العرب لا مو مؤتمن
إيحرك إيجر إبأبن عم الكلام
بكل شبر من هالوطن صاير أمير
اوفوكنه تمشي الشوارع والهمر
لئن طاهر هالوطن طهر الاثير
إعليه إتذب اوساخها هاي الغجر
00000000
أحسنت وطيب الله انفاسك ..
رائعة جدا ,,,