بسم الله الرحمن الرحيم
اللهم صل على محمد وآل محمد وعجل فرجهم
جرحــــــــك حيـــــــــدر
ـــــــــــــــــــــــــــــــــــ
صَوّبني جرحك حيدر == شفته إو رحتْ اتحسّر
يابويه ياحامي الجار == راس إنطُبَر واني إبنار
شفته إو رحتْ أتحسّر
ـــــــــــــــــــــــ
ماحسّبت بيّه يمر هذا اليوم == سيف الغدر يُطْبُر أبوي إو مسموم
بعده لظل بحزاني وآلامي دوم == فارقني راح إو ما بعد ياتي النوم
وانظر لعد وجه إحسين == والمجتبى يجري العين
روحي إبلظاها تسعر == شفته إو رحتْ أتحسّر
ــــــــــ
تاج العداله بالحزن صاح إو ناح == من دم أبوي المرتضه إبراسه لاح
حيدر علي نفديله هاي الأرواح == عطر الشهاده من أبوي الفوّاح
ناديت ياخويه إشلون == راكد بقه هذا الكون
من شاف أبونه إمطبر == شفته إو رحتْ اتحسّر
ــــــــــ
بالباب إجتْ رادتْ تشوف الأيتام == جرحك يبويه إبياكتر ياضرغام
ناحتْ تنادي راح أبونه المانام == وإبروحته ضاعت علينه الأحلام
كافلنه راح الكرار == دارت علينه الاقدار
يركض لفانه هالشر == شفته إو رحتْ أتحسّر
ـــــــــــ
سيف المُرادي من نزل عالقرآن == طاع الأوامر وإنطبر عالي الشان
والدين أصبح بالحزن والايمان == مهموم يشكي الصَوّبَه للرحمن
مهموم يشكي الآلام == دين الهدايه الاسلام
وإينادي فارس خيبر == شفته إو رحت أتحسّر
ــــــــــــ
صوت المُنادي بالسمه بالآهات == أعلن مصير المُرتضه إو صب دمعات
إبن المُرادي إلْلي طبرها الآيات == ملعون صَوّب مهجتي بالطبرات
إبن المُرادي الملعون == أحمر صبغ هذا الكون
من دم أبونه إطشّر == شفته إو رحت اتحسّر
ـــــــــــــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود علي الهلالي
على الرابط التالي
http://www.wlidk.net/dldMJ600574.mp3.html 
