زنجيل(الولاية) للامام علي عليه السلام.

((الـــولايــــة))

نهر الكرم من علي ومن فاطمة منصب

والعدل ساسة انبنة بجف حيدرة منصب

ياباالحسن بالحشر معـروف الك منصب

**********

بيت الله بيك افتخـر ياسيــدي وهلة

ولعـداك سيفك غضب ماينطي كل وهلة

خل ينشد الينكرك منهو ابوه وهلة

**********

كلمن يحب حيدرة اصلة انعـرف والدين

واللي يضدة خسـر دنياه وية الدين

لو انطلب بالحشر حبك يوفي الدين

**********

حبك فـريضة انكتب رب العرش منــزلة

شيعة ونظل عالعهد هذا الـدرب منـــزلة

بالخندق انتة ابـرزت والعامري منـزلة؟

**********

كلمن برزلك هلك سيفك عليه يوله

ومشهودة الك حملتك يولة بأثـر يوله

أول سؤال القبر أتوالي علي يوله؟

**********

ماينفعك كل عذر لوما تجاوب عدل

منكر يجرك غصب وللنار تركض عـدل

اتلاحَك ارويحتك يلي تضدة وعـدل

**********

بالجنة باب انفتح طبله الموالي وســـار

واللي يــزورك علي بالخيــر رد وســار

اسمك يظل سيـدي طلسم تــراه وســــار

**********

هــذا الاسم نـور إليّ ولاخاف انهّ منكــر

وكَلبي الحــوه أمحبتك مايحمل المنكـــر

مثل الصكَـر عالكَطة حملة علي منكـــر

**********

حملاتة كلهــن غضب تشهد آلة صفيــن

ولمن وصله الخبر أجيوش العدة صفين

خــلاها تــردم ردم صف يــردم بصفيــن

**********

والي يجرحه علي يحسبها آلة منة

فقارة هوة الأصل ياهو السلم منة؟

والكَال بخ" علي منهم يخـي منـة؟

**********

طه النبي من خطب يوم الغديــر اشكال؟

المايــوالي علي كَــال أصلة بيه اشكــال

جابعــد ليش الحجــي ويحجون ضدنة اشكـال؟

**********

منهم وصلني حجيي مجنون كالوا عليّ

ومادام شيعــي الأصل يبقه إنيّ راسي علــي

كَلبي بعشك حيدرة كل دكَــة تندب علي

**********

يالمـرقدك بالكَلـب مـو بــالارض منصب

**********

نلتمسكم الدعاء

الشــــاعـــــــــــر

جلال البطاط

كلام رائع
شكرا لك

عاااشت الايادي ويجعله الله في ميزان حسناتك

دائما نتطلع للمزيد من الابداع

دمتم ودام ه>ا العطاء الراقي

اسعدني مروركم الجميل احبتي

رائع جدا جدا ..
أختيار موفق ,,,

شكرا ع المرور اخي اكرم

بارك الله بكي ووفقي

شكرا لكي علي جميل ما نقلتي