احنه انصارك بقلم الشاعر علي محمد دخيل الموسوي

احنه انصارك *** احنه انصـــــــــارك

يحسين امــــر *** احنه انصــــــــــارك

**************

انصار وليك اتعنينــــــــــــــه

وعنك مانبخل تدرينـــــــــــه

لو هجمت هلخيل اعلينــــــه

مانقبل تتعنه الــــــــــــــــدارك

*******

هاي انصارك اتريد تامــــــــر

احنه اجنودك ونته الامـــــــر

مايوصل اخيامك كافـــــــــــر

نسهر كل ليلك ونهــــــــــــــارك

*********

يحسين انريد ترخصنــــــــــه

ولجل الدين انضحي بدمنــــه

كصدت هاي الكوم اخيمنــــه

من هلكوم انريد ابثـــــــــــــــارك

********

للحومه طب جون وعابـــــــــس

وبخيام حسين انه الحــــــــارس

يافرس يكصد يافـــــــــــــــارس

ويا خيـــــــال اليكصــــــــــــد دارك

********

للحومه جون اتعناهــــــــــــــــه

صال اعلى الكوم ورداهـــــــــه

وينه اللي يحارب ناداهــــــــــه

سل ياجيش اعلينــــــــه ارماحــــك

********

والحرمن صال اعلى العسكــــــــــر

هز الجيش وبيه ضل يفتـــــــــــــــر

طاح الحر بالحومـــــــه امطبــــــــر

وياحر ماظن ننســــه امصابـــــــك

********

لخادم الحسين (ع) علي الموسوي

الله يعطيك العافية
خيو محمد
بنتظر جديدك

أحسنتم شاعرنة السيد علي الموسوي وطيب الله انفاسك ..
موفق لكل خير ان شاء الله تعالى ,,,