قد اقسم الانصار - الى انصار ابو عبدلله صلوات الله عليه -قصائد محرم

قد اقسم الانصار---بالغاضريه
لن نخذل الكرار ---يابن الزجيه
في يوم عاشوراء-*-في يوم عاشوراء
أجينه انصار للوالي وتعنينه -*- لفينه ودمعة الزهره تحاجينه
نزعنه دروع بالحومه بنياشينه-*-برير وعابس ومسلم عله يمينه
هذا ألجره وألصار---بالغاضريه
بالحومه شبت نار---يابن الزجيه
في يوم عاشوراء-*-في يوم عاشوراء
-*-
كصدنه أنصار للزهره ونواسيها -*- ونجبر ياضلع منها ونداويها
طيبنه الجروح بكربله البيها -*- وضل سوط الغدر يحبس معانيها
وضل شاهد البسمار---بالغاضريه
من فعلة الاشرار--- يابن الزجيه
في يوم عاشوراء-*-في يوم عاشوراء
-*-
انصارك تناشد كربله بلهفه -*- بطفوف المنايه اموسمه الوكفه
بسروج الرزايه الوادم تعرفه-*- مشهوده النوايب للولي الكلفه
ويشاهد الابرار---بالغاضريه
متوذره باشفار---يابن الزجيه
في يوم عاشوراء-*-في يوم عاشوراء
-*-
لفت زينب تناشد يالسبط بحماك-*- انصارك بطوله وبالمجد تلكاك
زرعت ابذور انصارك وحك عيناك-*-جون الي تجنن بالحرب وياك
يصب الدمع مدرار---بالغاضريه
وبشوفة الاطهار---يابن الزجيه
في يوم عاشوراء-*-في يوم عاشوراء
-*-
زرعت انصارعالغبره وحصدناهه-*-زهير ورافع بجودك تمناهه
حبيب ونافع بروحه تلكاهه -*-المنايه للولي الكافل حملناهه
بترابه هالاخيار---بالغاضريه
وتشاهد الابصار---يابن الزجيه
في يوم عاشوراء-*-في يوم عاشوراء
-*-
لفت زينب تخاطب يالنصرتونه -*- نتقدم للحرب احنه العرفتونه
جاوبها حبيب الدمعه بعيونه -*- احنه الي نتقدم يالكفلتونه
يلي حميتوا الدار---بالغاضريه
وضل النصر تذكار---يابن الزجيه
في يوم عاشوراء-*-في يوم عاشوراء
-*-
صحبتك بالحرب مثل الصكر ويحوم-*-عفت شبان بالحومه تريد اتكوم
يابن حيدر لفينه والجرح مالوم -*-انصار المنايه تنصر المظلوم
ياطالبين الثار---بالغاضريه
بسم النبي المختار---يابن الزجيه
في يوم عاشوراء-*-في يوم عاشوراء
-*-
بسيوف الجلاله نندب اركانه -*- ابو جفوف السخيه انواسي قرأنه
مابين الشباب وكاهل اعوانه -*- شما نعطي الضحايه ونعطي دنيانه
هذا الدهر غدار---بالغاضريه
اظهر ياحامي ياجار---يابن الزجيه
في يوم عاشوراء-*-في يوم عاشوراء
-*-
عله انصار الزجيه الحاربت كبله -*- لوتدري المنايه تصير الك قبله
مثل ماصار بالطف شفت مثله-*- ماتهمنه الجيوش شما الشمر خله
قد شائت الاقدار---بالغاضريه
وبرايه الاحرار---يابن الزجيه
في يوم عاشوراء-*-في يوم عاشوراء
----***----***----***----***---***----***----***----***----***---
خادمكم
الكعبي

أحسنتم وبارك الله فيكم ...
وطابت انفاسك ..
كلمات رائعة ..موفقك دائما وابدا لخدمة محمد وال محمد عليهم السلام ..

يسلمو الايادي اخي

الا ليتنا كنا معكم فنفوز فوزا عظيما

حشركم الله معهم بحق محمد وال محمد

اخوتي الاعزاء بعد التحيه والسلام والشد على ايديكم بالاستمرار بدعم هذا الموقع الرائع الغني بمحتوياته والملبي لاحتياجات المثقف النجفي خاصه
فبارك الله بكم
اطلب قصيده الشاعر الكبير صباح امين بالرد على قصيده العلم على الكاع والتي يقو في مطلعها
بالوفه اقسم قسم بويه ما طاح العلم
واكون لكم شاكرا وممتنا

الخلخالي كتب:: اخوتي الاعزاء بعد التحيه والسلام والشد على ايديكم بالاستمرار بدعم هذا الموقع الرائع الغني بمحتوياته والملبي لاحتياجات المثقف النجفي خاصه
فبارك الله بكم
اطلب قصيده الشاعر الكبير صباح امين بالرد على قصيده العلم على الكاع والتي يقو في مطلعها
بالوفه اقسم قسم بويه ما طاح العلم
واكون لكم شاكرا وممتنا

وعليكم السلام والرحمة

أهلا وسهلا بك وحياك الله ..

ونتمنى تواجدك المبارك ...

يوجد في منتدى الصوتيات لقائين اذاعيين مع الشاعر في احدهما يقرأ الشاعر مقطع من القصيدة ...

وان شاء الله يشوف الشاعر طلبك ويلبى لك .
علما انه الان مشغول بسبب ايام محرم ومطالب بالكثير من القصائد لهذا الشهر .. وسيعود قريبا ان شاء الله تعالى ..
حياك الله
--------------

بالوفه اقسم قسم بويه ما طاح العلم....
اسأل جفوف المنايه عالنهر صرت انه رايه ...
او حته من راسي انهشم بويه ما طاح العلم ؟؟

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ والعَنْ عَدُوّهُمْ
السَّلأمُ عَلَى الحُسَيْن،
وَعَلَى عَليِّ بْنِ الحُسَيْنِ، وَعَلَى أوْلادِ الحُسَيْنِ، وَعَلَى أصْحابِ الحُسَينِ الذينَ بَذَلُوا مُهَجَهُم دُونَ الحُسين

عظم الله لكم ولنا الاجر بمصاب سيد الشهداء ابي عبد الله الحسين علية السلام
جزاك الله خير الجزاء اخي الفاضل
وجعله الله في ميزان حسناتك
انشاءالله