قصيدة وأبوذية بحق الامام علي علية السلام بقلمي

علي الوادم لواهة بيوم صفين
كام بسيفة يكطع روس صفين
الكلب وي الفكر والعين صفن
وكَفن بايعن حيدر سوية

كافل الايتام

علي بشوفة بسمتك يشبع الجوعان
وينسه الجوع ماله وثوبه المركع

لأن وجهك امان يبشر الايتام
عكس وجهك هذاك البلحرب يطلع

علي انت بزمانك ماجنت معتاز
ولا تلبس حلي وبسم الذهب تلمع

جنت تلبس خشن والسبب يابو حسين
ماردت الفقير يشوفك مرصع

علي همه بزمانه يفرح الايتام
ومايقبل يتيم عيونه بس تدمع

كل همه الارامل ما تشوف العوز
وتنيم اليتيم بلا عشه وتقنع

علي كرصة خبز يم حلك كل جوعان
توصله وتشبعه وأبد ماترجع

سهر عينه عطش ماضاك طعم النوم
تشربهه الصلاة وللصبح تركع

ذوالفقار جان أبيده ابد موسيف
ملك الموت جان بأيده من يطلع

خيبر ساحره اومرحب مشعوذ جان
ويتحامون بالباب الصعب يشلع

لكن جيه ضربته تعادل الثقلين
كزبر خشب بابه وانجبر يخشع

أوخذل خيبر أومرحب يشهد التاريخ
وشطرهم بالحسام الابيض الأصمع

لذالك نفتخر شيعة ونضل للموت
نبايع كل شباب اوشيب والرضع

الشاعر
احمد السجادي

عطر الله انفاسك اخي احمد فعلا كلمات جميلة

مشكور اخي
بارك الله فيك

تسلم ايها شاعر
كلمات في غاية الروعه

جزاكم الله خيرا ..
موفقين ...,,

حسنتم كلمات جميله