زينب تعنت لخوهه

موضوع: زينب تعنت لخوهه 16/12/2010, 9:14 am

[size=21][size=21]

زينب اتعنت لخوهــــــه == تريــد تعــرف مسألـــــه

لو صبح مصباح باچـــر == ياهـو يحمـي العايلـــــــه

**************

هالسؤال هــواي شدهــــه == تريـــد تعرفلــه جـــــواب

تنظـر الاطفـال يمهـــــــه == كـل طفـل عنده عتــــــاب

والعيــال شلون هجـــــت == أتحملــت كـل العــــــذاب

لاخيـم عدهـه وتحامــــي == لاذن أبســــد الثيــــــــاب

شافـت أعليهــه الشمـــــر == ظالـــم ويأمــر أمـــــــــر

صاحـت بصــوت الثكاله == هالوضــع مـن يحملـــــه

*************

طلعـت بليــــل وبواچـــــي== والجســم منهــه رگــــــد

مصاب اخوهه اليوم هدهه== الخيمــه طاحت والعمــد

وذاك اخوهه الچان كافـــل== مايــرد ليهــه بــعــــــــد

تمشي نوبه ونوبه تگعــــد == راحـوا الچانوا سنـــــــد

تلتفـت يسره ويميــــــــــن == ماتلاگـي كــل معـــــين

طــال ليــل الهظـم عدهـه == ياهــو ظــل وتسايلـــــه

*************

وفوگ تله أتصيح زينـب== ويــن أخـوي وكل هلي

لاخبـر منكـم يجينـــــــي == ولاعضيــدي ايرد الـي

لوصبح مصبـاح باچــــر == ياهـو يعــدل محملــــي

والحـرم وأطفـال عــدي == ياهــو يرحـم عايلــــــي

غربـت رحـت اومشيــت== خويه بمصابك حنيـــت
فـوك حزني وفوك همـي == هــــم عليلـــــك شايلـه

************

للنهر صـدت تنــــــــادي == وينــه عبــاس الكـفيــل

واعـدت حيـدر يعينـــــي == ذاكــه حمـأي الدخيـــل

كافلي أنتــه ودليلــــــــي == وانتــــه للكلفه تشيــــل

تالــي خويه شو عفتنــي == وعالنهـر دامي وچتيل

گطـّعوا منك چفــــــوف == وكـل كتـر يسوه ألوف

واللـه فاض الزود منــك == لوتريــد أتزلزلـــــــــه

****************
يمهـه حـار الكون كلــه == حرمــه شالـــت هالصبـــر

عفيـه قوه وحيل عدهـه == نــذرت النصـره العمـــــر

هـزت الجيش بورعهه == ولاگــدر يمهــه يمــــــــــر

شافــت أنـواع النوايب == أووجــرن بيهــه الجمــــــر

والعقـل بيهه انشـــــده == لزينـب الحــره ونــــــــــده

ياألهـي شلــون قــدره == هالعقيلــــه حـــاملـــــــــــه

***************

سمعـت الصوت وينادي == إنـتي بـت حامي الحمـــــه

إنـتي خويه اليوم بعــدي == ومــن بعـد فيض الدمـــــه

هـذا أمر الحـرم بيــــدچ == وبيــد راعــــي المرحمــه

هـذا ابو الباقــرإمامــــچ == هــو بيــه المـــوزمــــــــه

لاتشوفينــه عليـــــــــــل == هـــو حمــأي الدخيــــــــل

مثـل أبوه ومثل جــــده == أيحلـــچ أصعــب معضلـه

نسألكم الدعاء

خادم الحسين ع

الحاج ابو اياد العتابي

[/size]
[/size]</B></I>

__________________

موضوع: رد: زينب تعنت لخوهه 16/12/2010, 3:40 pm

احسنتم كثيرا وعظم الله لكم الأجر

موضوع: رد: زينب تعنت لخوهه 17/12/2010, 12:23 am

وعظم الله لكم الأجر

موضوع: رد: زينب تعنت لخوهه 18/12/2010, 10:21 pm

بارك الله بكم
وجزيتم خيرا