انه الكربله حنيت - اربعينية ابو عبدالله صلوات الله عليه

ناديتك يابويه وجيت -*- وأنه الكربله حنيت
زينب بت علي الكرار
أخبرك بالجره والصار
-*-
منين أبدي يابويه اسمع كلامي وياك
أخبرك بالخدر والزود وايام الدهر بحماك
أبدي باليسر طعنات تراني والخدر ناداك
لوأبدي من المنحر فجعني الموقف بلياك
تمنيتك علي حاضر وتحارب بالفقار هناك
وتشاهدهالجثث صرعه مصايب ضمت الافلاك
ريتك وحاضر وياريت-*- بذاك الموقف وضحيت
وارفع سيفك البتار
اخبرك بالجره والصار
-**-
يابويه أبدي بطفوف احسين اشرحيلي تواليها
اشرحيلي الضعن لوسار انه مقدر نواعيها
السفر طول فركتي عليج اخبرج يالحملتيها
أنه حيدر اجيت اليوم اذكرج لا تتركيها
اضعون الفاركت والي انتي الوالي تحميها
كبل ضعنج ضعن امج كصد ليها
تحلي بالصبر ناديت -*-وسجادج عمود البيت
بويه من لفتنه اشرار
اخبرك بالجره والصار
-**-
ذكرتك يالوصي بأهات ونخيتك والكلب مجمور
ردت تحضر أشوفنك بيوم العاشر بعاشور
تشوف الفاجعه الكبرى وتشاهد هالخدر مكسور
ذاك ال قبله الهادي صريع مطبر ومنحور
نخيتك يالنبي تحضر وتباصر هالسبط مطبور
بتراتيلك رسول الله تراقب هالظلم والجور
نخيتك يارسول وجيت -*- غريبه أمفاركه رديت
أذكرك لولفت اخبار
أخبرك بالجره والصار
-**-
زينب طبت الميدان تدور عالسبط وينه
وحيدر للخدر يبري حماج الولي وحسينه
صوره تكطع الدلال واتناشد يالاخوا جينه
وعله اطراف الفرات اجفوف والجودك تعنينه
اكصد ياجسم ياراس يابويه مصايب علينه
وحيدر هالوصل لحسين تمدد يمه وبجينه
يالوالي اشكثر عانيت-*-وشفت صرعه وخليه البيت
نزلت دمعته وانهار
أخبرك بالجره والصار
-*-
بظلام وليلة الوحشه شفت ظلك يابويه يطوف
كصدتك ياعلي بلهفه وتشاهد منظري المخطوف
ياحيدر انظر الحالي لفيتك لاعيون تشوف
مطبور الجدم والراس عليله والدمع مذروف
اريدنك تضمد اجروح ياجرح اليضمد اجفوف
عطاشه ايتامك وخدر معذور الجفيل وشوف
معذور والك صديت -*- كشفت المشرعه وفيت
ياجود الكرم مدرار
اخبرك بالجره والصار
-*-
مسبيه بطريق الشام حيدر هألذكرته اليوم
اسيره امكيده بحبال ومهضومه عله المظلوم
بمتوني انضربت اسياط بويه والجرح مالوم
لو حاضر ابو فاضل وأشوفك هالصدر مهشوم
وعكبك هالضعن خالي تفرهد من لفتنه الكوم
ياحيدر ارحم الدلال بحضرتك يالولي المعصوم
يابويه وبالهضم حسيت -*- الفواطم باليسر باريت
اشابح يالحميت الجار
اخبرك بالجره والصار
-*-
احب ان اضيف بعض الابيات لمقدمه بداية مجلس حسيني بمناسبه السيده زينب عليها السلام
-*-
خلوني --خلوني--من فارك اعيوني
-*-
بين اليسر والنوح -*-اصبر والم اجروح
لوفارك اعيوني
-*-
ضعن العقيله يصيح-*- ضيم وقهر وهموم
دم اليتامه يسيح -*- جمر الحزن معلوم
بضعوني-بضعوني لوسارن اضعوني
صار الكلب نصين -*- احضر يابو الحسنين
لوفارك اعيوني
-*-
بدرب اليسر وانخاك-*- اكصد جدم ياراس
وعن الكمر بحماك -*- ذاك الجفل عباس
ويمشي الضعن لولاك-*- انت الكشفت ارجاس
دلوني -دلوني عن كبره دلوني
الذاك الشبل حنيت -*- انشد خليه البيت
لوفارك اعيوني
-*-
بصبر العقيله اسرار-*- اخت الحسن وحسين
ورثت علم كرار -*- وعن فاطمه تروين
بجمر الحرب منشار -*-توكف تصد لاثنين
خواني -خواني وبشدة احزاني
واحد كضه مسموم -*-اواحد صفه مظلوم
لوفارك اعيوني
--------***-------
الكعبي

أحسنت كثيرا أخي الكريم سامي الكعبي وطابت أنفاسك على هذه الكلمات الولائية ..
رزقنا الله واياكم زيارة الحسين في الدنيا وشفاعته في الاخرة ..
موفق ,,,

الله يعطيك الف عافيه اخي

بارك الله فيك
في ميزان حسناتك

اللهم صل على محمد وآل محمد الطيبين الطاهرين وعجل فرجهم
السلام عليكِ يا سيدتي ومولاتي يا زينب الحوراء

جزاك الله الف خير شاعرنا المبدع ...وطيب الله أنفاسك

السلام عليك يا مولاي يا ابا عبد الله الحسين

القصيدة اكثر من رائعه ومؤلمة

تسلم روعه في ميزان حسناتك يارب