جفن يعـــكـــــوب

موضوع: جفن يعـــكـــــوب 9/5/2011, 6:30 am

الى اعز الاصدقاء
شكَللك بعد بجفاك عيني تنام
وشتوسل وكَلها وهيه محرابك
اذا غمضت حيله رسومك ويه العين
جفن يعكَوب عدي مناطر ثيابك
مثل يوسف مصيرك بلحلم مريت
جم بير النشدته وخون ذيابك
يبو خلكَ الطويل وانه خلكَي زغير
وبعدها عيون جفي امجلبه ببابك
تعال لخاطر الله وشوف بيه شصار
نذر تسحكَ دليلي من تجي رجابك
تشكَ ثوب الكَلب دكَاته وانته بعيد
وحفر بير الدمع ناكَوطة بغيابك
مثل سمجة دليلي وعنة شح الماي
واذا فالات جيتك ينطر صوابك
احس بعدك جهنم جنتي من اتغيب
وزرع كَلبي تعود عاشكَ ترابك
الك وديت عيني بلا رمش لا شوف
وبخلت بشوفتك ولحاتم انسابك
احس كَنفذ حرير الناس سله يصير
وانعم من حرير الكون نشابك
انة المصيوبلك كَلبي شعجب ماجيت
ودرع حطيت كَلبي من الوكت صابك
انة المحدود شوفي والك مامحدود
وارخصهن علية وحدهن نيابك
تحت ناكَوط حب الضيم روحي تبات
واقبل كون فارغ يوصل كتابك
انة البطيف رسمك لو يجيني خيال
احب ايد القدر كون بغلط جابك
بقلمي
محمد العايدي
3-1-2011

منقول