بالغاضرية ---نزلت وصية
حيدر علي وصيته -- بالغاضرية
شيعة علي لمن تشربون الماي --- ذكروا الحسين واصرخوا يا مولاي
شوفوا النحر يفور دمه بحشاي --- ظهري انكسر واليوم عميت عيناي
بعدك يا ضي العين حلمي ودنياي – خسفاها دهري يا روحي ورباي
يومك صعب وما شوف الا بلواي --- والحيرة بأرضي توسدت وابسماي
يا بن الزجية --- يومك أسية
حيدر علي حميته --- بالغاضرية
مفصول جسم حسين عنه والراس --- فوق الرمح وتلعب فوقه الارجاس
حيدر علي ينادي وين العباس --- وين الكفيل او وين شدة الباس
قالوا قطيع اجفوف وخمدت انفاس ---- قالوا سهم شافوه ابعينه يا ناس
يا بن الزجيه --- عندي قضيه
حيدر علي شكيته --- بالغاضريه
زينب لابوها تصيح وينه بو الجود ---- وينه اللي راسه اليوم صابه العمود
وينه اللي راياته لخويه سنود --- وينه اللي يسقي الماي لينه ويذود
اجمعت احقاد خيبر جحود ---- تنعاد أفعال النواصب يهود
سيوف الغدر تركض لينه وفود --- نقض العهد تاريخهم والجدود
يا بن الزجيه --- الليلة المسية
حيدر علي لقيته --- بالغاضريه
هزيت باب المعركة بالدموم --- وطير البواجي عليك يندب يحوم
صاحت عليك املاكها يا مظلوم --- ودمع الحزن هاليوم يجري مسجوم
وبهاي الدمع صار الاجر والمرسوم --- قانون يتجدد الينه كل يوم
وعطر الشفا من تربته للمهموم --- وهاي الكرامة تزيد عدنه وتدوم
يا بن الزجيه – أندب عزيه
حيدر علي رجيته --- بالغاضريه