درب واحد مشيته وما مشيت ادروب
وكلب و احد العندي وعدي بس محبوب
أضل دوم بهواه وما أخونه أبيوم لوعشت العمر كل العمر مطلوب
ولو حبه ذنب للموت أضل مذنوب
يحاجيني ألسفيه يكلي بسك توب
ولك ما توب لو تابوت موتي أبسجتي منصوب أبد ما توب
لو كل ألعذاب أبدفتري مكتوب أبد ماتوب
لو بالصيف أضل حدر الشمس مصلوب
أبد ماتوب
أشربت كاس المحبه من الصغريفلان كلي شلون يصحه الشرب
هل المشروب
ألبست ثوب ألوفه وما ساومت فد يوم وأذا حلت منيتي أجفن بهل ثوب
ولو أدري الزمن مجلوب
ولو كل ساعه أفز مرعوب
ولو زخ التتن حالوب
أبد ماتوب
أبد ماتوب
وبمحبتها شمع ما نعلك الليله
لإ نعلكله أجفوف ونفرشله أكلوب
يالايمنه دبطل عاد كل هذا ألعشك وتريد منا أنتوب
صندوك النصايح خله الك يفلان
صندوكك طلع منخوب أتريد أنصير عمي و ياك ونظيع مشينه
ونمشي عالمكلوب
لا تلوم الحايط امن أيطيح لوم الساس أصله معفن ومرطوب
يحادي الروح مانسمع حجي العذال يل عقلك رخيص والبلطمع مسلوب
ساس العدنه أصلب ساس أهل البيت هما الساس
عن حبهم أبد منتوب
أبد منتوب