البارحه
كون الليالي كلهه مثل البارحه
كلبي اعله ايدي جبته حتى تسامحه
نزعت حزنهه وباستك شفّتي
وبكد عمر نوح اصبحت فرحتي
الكلب ساكت بس عشكنه الفاضحه
البارحه كون الليالي كلهه مثل البارحه
***************
دموع الفرح يمك نذر طشيتهه
ذابن ضلوعي بشبكتك حسيتهه
شبگات اديك لهسه الهن أثر
لو دورت تلكاهه فوك الظهر
و ذرات جسمي بماي شفتك سابحه
كون الليالي كلهه مثل البارحه
***************
تمنيت حبنه اعله الشمس ينزرع
مثل النجم عاليل يترك طبع
يمك اريد انزع ثياب الحزن
ياوطن كلبي الماكو مثلك وطن
كتاب حبي لهسه الك ماشارحه
البارحه كون الليالي كلهه مثل البارحه
