تعال انطيك كَلبي وشوفني شلون
الك اشتاكَـ وي كل دكَه منه
لابـيـك طيب يجيبك الملكَاي
ولا هــزتك فـد يوم المـحنه
واني اشبيه عود وليش مهتم بيك
وانته الحبك عيونك نسنه
اذا بالجنه عايش وانته مو وياي
احسهه تصير نار وماهي جنه
لا اتوب منك لا أمل طاريك
وانته اســـوالفك عـقلي خذنه
شيب راس كَلبي وماهو كبر اسنين
بس دكَاتك انته الشيبنه
وانته تبره مني وكَلي راح انساك
واذا كَلبي نساك اتبره منه
انه يفور دمي من اسولف بيك
وانته اشبيك تبرد من يذكروني
أحبك والله يدري بيوم الاكيك
اريد بباب وجهك اترك عيوني
أريدك بس اليه وما تحب وياي
بس انه تحبني تحبني بس اني
والك مني عهد ما خون حبك يوم
واذا كَتلك اكرهك ينكص الساني
أحس روحي وي روحك ذايبات احساس
واحد بالوفه مفصل على الثاني
أريدك بس اليه وما تحب وياي
بس انه تحبني تحبني بس اني