الف سودة علية امك تضمك
وانتة مخضب بدم المجاتيل
يسيل على الارض ياطفل دمك
وامك دم دمعها بحضنك يسيل
عفة كلبج يامه اشلون صبرج
وحملتي مصابه يمه وشفتي الويل
ياحلم الطفولة المات بنهار الغدر
ويسيل دم الليل
عفة كلبج ييمه اشلون تتحملين
وعلى شبك العزيز اتشلون الج حيل
يايمة الدم يسيل ويندب ارواح
وتفوح دمومنه ياريحة الهيل
عفة صبرج ييمه بيوم شلتيه
وتلوليله على موته احلى المواويل
يالصدرج حنين وضمني حد الموت
واحس نبضج الم يامة و ويل
موأول طفل يايمة انا اموت
بس الحق دفين وكله تظليل
يمجد بالاعادي راعي البيت
وانا دمومي مرارة اكباله اتسيل
عراقي انت شعراقي وبعت البلاد
مو هذا ابرهى وجايبلي الفيل
تصافح قاتلي وتكظه ايد بايد
وتشوف جنازتي وتكول وي حيل
ابد لاموعراقي واعتقد خوان
ذاك الباع ناس ولفه غربيين
ييمه ارجوج اصبري صبر ايوب
يايمة الوكت صدكيني غربيل